Qol.Az

“Güzəştsiz mübarizə olacaq” – Şahin Diniyev

[10.05.2016]
“Güzəştsiz mübarizə olacaq” – Şahin Diniyev “Öncə “Kəpəz” azarkeşlərini, Gəncə futbolsevərlərini komandamızın Avropa Liqasına vəsiqə qazanması münasibəti ilə təbrik edirəm”.

Qol.az-ın məlumatına görə, bu sözləri  “Kəpəz”in baş məşqçisi Şahin Diniyev mətbuat və azarkeşlər üçün açıq xarakter daşıyan məşqdən sonra kapazpfc.az saytına deyib.

“Nəhayət ki, 16 ildən sonra yenidən Avropada oynayacağıq. Bu, hamımız üçün sevinməyə əsas səbəbdir. Uğurumuzda azarkeşlərin də rolu var. Buna görə onlara təşəkkür edirəm” – deyə o qeyd edib.

Təcrübəli çalışdırıcı “Neftçi” ilə qarşıdakı oyundan da danışıb: “Komandaların adı artıq hər şeyi deyir. Oyunun mahiyyəti bəllidir. Gərgin, güzəştsiz mübarizə olacaq. Hər iki tərəfə qələbə lazımdır. “Neftçi” qitəmiqyaslı turnirə vəsiqə qazanmaq istəyirsə, biz medalçılar sırasına düşməyi hədəfləmişik. Medal qazansaq, xoşbəxt olacağıq. Sıx yarış qrafikinə baxmayaraq matça ciddi hazırlaşmışıq. Yorğunluğumuz pik nöqtəsinə çatsa da, bu, səbəb olmamalıdır. Baxımlı futbol oynayıb azarkeşləri sevindirməyə çalışacağıq. Mühüm oyundur və həm rəqib, həm də biz bunu anlayırıq. Azarkeşlər tribunada darıxmayacaqlar”.


<< Geri
Ana səhifə | BÜTÜN XƏBƏRLƏR | Müsahibə | Premyer Liqa | Haqqımızda | Əlaqə
© 2008-2012 Qol.Az.