Qol.Az

“Oyun günü qərar verəcəyəm” - Sənan Qurbanov

[24.02.2021]
“Oyun günü qərar verəcəyəm” - <b style="color:red">Sənan Qurbanov</b>

“Keşlə”nin baş məşqçisi Sənan Qurbanov Azərbaycan Premyer Liqasının 17-ci turunda “Sabah”la oyun öncəsi fikrlərini bölüşüb.

41 yaşlı mütəxəssis Qol.az saytına açıqlamasında şansların bərabər olduğunu söyləyib: “Hər iki klub 14 xalla 7-8-ci yerləri bölüşür. Təbii ki, həm "Sabah", həm də biz oyuna 3 xal üçün çıxacaq. Qələbəni hədəf almışıq. Komandada hər şey normaldır, məşqlər yaxşı gedir. Hazırda 2 futbolçumuz - Azər Salahlı və Rəhman Hacıyev zədədən yeni qayıdıblar. Onlar fərdi məşqlər edirlər. Həkim rəyindən sonra onların adlarının iştirak ərizəsinə salınıb - salınmamasına oyun günü qərar verəcəyəm".

Qeyd edək ki, fevralın 25-i keçiriləcək "Sabah" - "Keşlə" oyunu saat 17:30-da başlayacaq.

Ağa DADAŞZADƏ


<< Geri
Ana səhifə | BÜTÜN XƏBƏRLƏR | Müsahibə | Premyer Liqa | Haqqımızda | Əlaqə
© 2008-2012 Qol.Az.