Qol.Az

"Barselona" istəyinə çatdı

[14.02.2018]
"Barselona" istəyinə çatdı "Barselona" “Qremio”nun yarımmüdafiəçisi Artur Enrikenin transferi üçün qarşı tərəflə razılığa gəlib.

Qol.az-ın “El Mundo Deportivo”ya istinadən yaydığı məlumata görə, uzun müddətdir Braziliya klubu ilə danışıqlar aparan Kataloniya təmsilçisi sonda istəyinə nail olub. İki klub arasındakı razılaşmaya əsasən, 21 yaşlı futbolçu bu ilin sonuna kimi hazırkı komandasında çıxış edəcək. 2019-cu ilin yanvarından etibarən isə “Barselona”nın formasını geyinəcək. La Liqanın liderinin bu keçid üçün qarşı tərəfə 25-30 milyon arası məbləğ ödəyəcəyi bildirilir.

Qeyd edək ki, tam adı Artur Enrike Ramos di Oliveyra Melo olan yarımmüdafiəçi “Qoyas” klubunun yetirməsidir. O, 2016-cı ildən “Qremio”da çıxış edir.


<< Geri
Ana səhifə | BÜTÜN XƏBƏRLƏR | Müsahibə | Premyer Liqa | Haqqımızda | Əlaqə
© 2008-2012 Qol.Az.