Qol.Az

"Qəbələ"nin çempion olan baş məşqçisinin təəssüratları necədir? (VİDEO)

[06.05.2016]
"Qəbələ"nin çempion olan baş məşqçisinin təəssüratları necədir? (VİDEO) Azərbaycanda Premyer Liqa klublarının əvəzedici heyətlərin mübarizəsində 2015/2016 mövsümünün qalibi müəyyənləşib. Qol.az-ın məlumatına görə, "Qəbələ" əvəzediciləri sona 4 tur qalmış çempionluğunu təmin edib.

Ramin Quliyevin yetirmələri 32-ci turda "Neftçi"ni qəbul edib. 4:0 hesabı ilə qalib gələn komanda ikinci pillədə qərarlaşan "Sumqayıt"la xal fərqini 13-ə çatdırıb.

Qeyd edək ki, bu, Ramin Quliyevin komandada ilk mövsümüdür. Məşqçi ilk cəhddən qızıl medalları qazanmaqla "Qəbələ"nin tarixinə düşüb. Çempionata uğursuz start verən və 5 turdan sonra sonuncu pillədə qərarlaşan komanda sonradan qazandığı ardıcıl qələbələrlə zirvəyə yüksəlib. "Qəbələ"nin hücumçuları Ehtiram Şahverdiyev - 20 və Ramil Hasanov - 17 qolla çempionatın bombardirlər siyahısına başçılıq edirlər. Mövsüm ərzində əvəzedici heyətin bir neçə futbolçusu əsas komandanın matçlarında meydana çıxıb.

Onu da əlavə edək ki, "Qəbələ" mövsümün ikinci yarısında indiyə qədər keçirdiyi görüşlərdə məğlub olmayıb. 14 görüşün 11-ini qələbə ilə tamamlayan əvəzedicilər cəmi 3 oyunda xal itirib


<< Geri
Ana səhifə | BÜTÜN XƏBƏRLƏR | Müsahibə | Premyer Liqa | Haqqımızda | Əlaqə
© 2008-2012 Qol.Az.